50 பேருடன் மாயமான ரஷ்ய விமானம்: எரிந்த அடையாளங்கள் கண்டுபிடிப்பு
ரஷ்யாவின் கிழக்கு அமூர் பகுதியில் தொடர்பற்றதாக மாறிய ஒரு பயணிகள் விமானத்தின் எரிந்த பாகங்களை மீட்பு ஹெலிகாப்டர் கண்டறிந்ததாக அந்நாட்டு அவசரகால சேவைத் துறை தகவல் வெளியிட்டுள்ளது. அந்த விமானத்தில் பயணிகள் மற்றும் பணியாளர்களுடன் சேர்த்து மொத்தம் 50 பேர் இருந்ததாக கூறப்படுகிறது.
ரஷ்யாவின் குடிமக்கள் விமான போக்குவரத்து அமைப்பின் விளக்கம்வழியாக, “விமானம் ரேடார் கண்காணிப்பிலிருந்து விலகி காணாமல் போயுள்ளது. அதன் எரிந்த உடற்பாகங்கள் கண்டுபிடிக்கப்பட்டுள்ளன,” என தெரிவிக்கப்பட்டுள்ளது.
மேலும், சம்பவம் குறித்து கருத்து தெரிவித்த உள்ளூர் நிர்வாகிகள், “இந்த விமான விபத்தில் எவரும் உயிர்வாழ்ந்திருக்க வாய்ப்பு குறைவாகவே உள்ளது” என தெரிவித்துள்ளனர்.
50 பேரும் உயிரிழந்திருக்க வாய்ப்பு?!
சீன-ரஷ்ய எல்லைப் பகுதியில் அமைந்த பிளாகோவெஷ்சென்ஸ்க் நகரத்திலிருந்து டின்டாவுக்கு புறப்பட்ட இந்த விமானத்தில், 5 குழந்தைகள் உள்பட 43 பயணிகளும், 6 விமான பணியாளர்களும் பயணித்தனர். விமானம் அமூர் மண்டலத்தின் மேல் பயணித்தபோது ரேடார் கண்காணிப்பிலிருந்து மறைந்தது. இந்த தகவலை அமூர் பிராந்திய ஆளுநர் வாசிலி ஓர்லோவ் உறுதிப்படுத்தியுள்ளார்.
சைபீரியாவைச் சேர்ந்த அங்காரா விமான நிறுவனத்தால் இயக்கப்பட்ட இந்த விமானம், டின்டா விமான நிலையத்தை அணுகும் தருணத்தில் தொடர்பு துண்டிக்கப்பட்டதாகவும் அறிக்கைகள் தெரிவிக்கின்றன.
