நீளம் தாண்டுதலில் தங்க பதக்கம் – முரளி ஸ்ரீசங்கர் சிறப்புஅடைந்தார்

போர்ச்சுகலில் நடைபெற்ற மையா சிடாடே டோ டெஸ்போர்டோ 2025 தடகளத் தொடரின் நீளம் தாண்டுதல் போட்டியில் இந்தியாவின் முரளி ஸ்ரீசங்கர் தங்கம் வென்றார். போர்ச்சுகலின் மையா நகரில் முன்தினம் நடந்த இந்தப் போட்டியில், 7.75 மீட்டர் தாண்டிய அவருக்கு முதல் இடம் கிடைத்தது. போலந்தின் பியோட்டர் டார்கோவ்ஸ்கி இரண்டாவது இடத்தையும், ஆஸ்திரேலிய வீரர் கிறிஸ் மித்ரேவ்ஸ்கி மூன்றாவது இடத்தையும் பிடித்தனர்.

எம்சிசி முருகப்பா ஹாக்கி போட்டியில் ஆர்எஸ்பிபி அணிக்கு சாம்பியன் பட்டம்

சென்னை எழும்பூர் மேயர் ராதாகிருஷ்ணன் மைதானத்தில் நடைபெற்ற எம்சிசி முருகப்பா ஹாக்கி தொடரில் ரயில்வே விளையாட்டு மேம்பாட்டு வாரியம் (ஆர்எஸ்பிபி) அணி, இந்திய கடற்படை (ஐஎன்என்) அணியை 3-1 என்ற கோல் கணக்கில் வீழ்த்தி சாம்பியனானது.

ஆர்எஸ்பிபி அணிக்காக ஷிவம் ஆனந்த் (8-வது நிமிடம்), பங்கஜ் ராவத் (37-வது நிமிடம்), சையத் நியாஸ் ரஹீம் (57-வது நிமிடம்) ஆகியோர் கோல்கள் அடித்தனர். இந்திய கடற்படை அணியின் ஆகிப் ரஹீம் ஆரிப் 15-வது நிமிடத்தில் ஒரே கோலை எடுத்தார்.

பிரீஸ்டைல் செஸ் கிராண்ட்ஸ்லாம்: இறுதியில் ஹன்ஸ்மோக் – அரோனியன் மோதல்

அமெரிக்காவின் லாஸ் வேகாஸில் நடைபெற்று வரும் பிரீஸ்டைல் செஸ் கிராண்ட்ஸ்லாம் போட்டியின் இறுதிச் சுற்றில், அமெரிக்க வீரர்கள் ஹன்ஸ்மோக் நிமேன் மற்றும் லெவன் அரோனியன் மோதுகிறார்கள்.

முன்னதாக நடந்த ஆட்டங்களில்:

• நார்வே வீரர் மேக்னஸ் கார்ல்சன், இந்திய கிராண்ட்மாஸ்டர் பிரக்ஞானந்தாவை 3-1 என வீழ்த்தினார்.
• ஹிகாரு நகமுரா, வெஸ்லி சோவின் எதிரே 1.5–0.5 என்ற கணக்கில் வெற்றி பெற்றார்.
• கார்ல்சன், அர்ஜுன் எரிகைசியை 2-0 என தோற்கடித்தார்.
• நகமுரா, பேபியோ கருனாவையும் வென்றார்.

இன்றைய இறுதிச் சுற்றில் ஹன்ஸ்மோக் – அரோனியன் மோதல் நடக்கவிருக்கிறது. 3-ம் இடத்திற்கு மேக்னஸ் கார்ல்சன் மற்றும் நகமுரா மோதுகின்றனர்.