மேஜர் லீக் கிரிக்கெட்: எம்ஐ நியூயார்க் சாம்பியனாக களமிறங்கியது!
அமெரிக்காவில் நடந்த மேஜர் லீக் கிரிக்கெட் தொடரில், விறுவிறுப்பான இறுதிப்போட்டியில் வாஷிங்டன் ஃப்ரீடம் அணியை 5 ரன்கள் வித்தியாசத்தில் தோற்கடித்து, எம்ஐ நியூயார்க் அணி சாம்பியன் பட்டத்தை கைப்பற்றியது.
கலிபோர்னியாவில் நேற்று முன்தினம் இரவு நடைபெற்ற இறுதிப் போட்டியில் முதலில் களமிறங்கி துடுப்பெடுத்தாடிய எம்ஐ நியூயார்க் அணி, 20 ஓவர்கள் முடிவில் 7 விக்கெட்டுகளை இழந்து மொத்தம் 180 ரன்கள் சேர்த்தது. அந்த அணிக்காக டிகாக், 46 பந்துகளில் 4 சிக்ஸர்களும் 6 பவுண்டரிகளும் அடித்து, 77 ரன்கள் குவித்து முக்கிய பங்கு வகித்தார்.
பின்னர் 181 ரன்கள் இலக்குடன் களமிறங்கிய வாஷிங்டன் ஃப்ரீடம் அணி, 5 விக்கெட்கள் மட்டும் இழந்து 175 ரன்கள் மட்டுமே எடுத்தது. அவர்களிடையே ரச்சின் ரவீந்திரா 41 பந்துகளில் 70 ரன்கள் மற்றும் கிளென் பிலிப்ஸ் 34 பந்துகளில் 48 ரன்கள் சேர்த்தாலும் வெற்றியை கைப்பற்ற முடியவில்லை.
