தீர்ந்த தடைகள் – 8 வருடங்கள் கழித்து ‘அடங்காதே’ ஆக.27-ம் தேதி ரிலீஸுக்கு தயாராகிறது!

படத்தை சூழ்ந்த அனைத்து பிரச்சனைகளும் தீர்ந்த நிலையில், ஜி.வி.பிரகாஷ் நடிப்பில் உருவான ‘அடங்காதே’ திரைப்படம் வருகிற ஆகஸ்ட் 27-ம் தேதி வெளியிடப்படும் என அதிகாரப்பூர்வ அறிவிப்பு வெளியிடப்பட்டுள்ளது.

இப்படம் கடந்த 8 ஆண்டுகளாக பல்வேறு காரணங்களால் வெளிவராமல் தாமதமாகியிருந்தது. சமீபத்தில் அனைத்து உரிமைகள் இ5 நிறுவனம் க்கு மாற்றப்பட்டு, உலகம் முழுவதும் படத்தை வெளியிடுவதாக அறிவிக்கப்பட்டது. ஆனால் அப்போது வெளியீட்டு தேதி குறிப்பிடப்படவில்லை.

தற்போது வெளியான புதிய தகவலின்படி, படம் ஆக.27-ல் திரைக்கு வரவுள்ளது. அதனை முன்னிட்டு, விரைவில் விளம்பர பணிகள் தீவிரமாக நடைபெற இருக்கின்றன. இந்த படத்திற்கு தணிக்கை குழுவிலேயே பல சிக்கல்கள் ஏற்பட்டது. சில காட்சிகள் குறைக்க சொல்லப்பட்டதற்குப் பிறகு, ‘யு/ஏ’ சான்றிதழ் வழங்கப்பட்டது.

ஷண்முகம் முத்துசுவாமி இயக்கத்தில் உருவான இந்த படத்தில் ஜி.வி.பிரகாஷ், சரத்குமார், யோகி பாபு உள்ளிட்ட பலர் நடித்துள்ளனர். ஸ்ரீக்ரீன் நிறுவனம் சார்பில் சரவணன் தயாரித்துள்ள இப்படத்தை, இப்போது இ5 நிறுவனம் உலகளவில் வெளியிடுகிறது.

8 ஆண்டுகளுக்குப் பிறகு இப்படம் வெளிவரவிருப்பதால், படக்குழுவினரிடையே பெரும் உற்சாகம் நிலவுகிறது.