கீழடி அகழாய்வு தொடர்பாக திருத்திய அறிக்கையை மத்திய அரசு கோரவில்லை: உத்தியோகபூர்வ விளக்கம்
கீழடி அகழாய்வைச் சார்ந்த திருத்தப்பட்ட அறிக்கையைத் தமிழ்நாடு தொல்லியல் துறையிலிருந்து மத்திய அரசு கேட்டதில்லை என மத்திய அரசு தெளிவுபடுத்தியுள்ளது.
இந்த விவகாரம் குறித்து, மக்களவையில் மத்திய கலாச்சாரம் மற்றும் சுற்றுலாத் துறை அமைச்சர் கஜேந்திர சிங் ஷெகாவத் இன்று எழுத்து வடிவில் தெரிவித்ததாவது:
“கீழடி அகழாய்வு பற்றிய திருத்திய அறிக்கையை தமிழ்நாடு அரசின் தொல்லியல் துறையிடமிருந்து இந்திய தொல்லியல் ஆய்வு கழகம் (ASI) கோரவில்லை. 2018-ஆம் ஆண்டிலிருந்து தமிழக தொல்லியல் துறையினர் கீழடியில் அகழாய்வுப் பணிகளில் ஈடுபட்டு வருகின்றனர். இந்த பணிகளுக்காக இந்திய தொல்லியல் ஆய்வு நிறுவனம் எந்த வகையிலும் நிதி உதவி வழங்கவில்லை.
1958 ஆம் ஆண்டு அமலுக்கு வந்த ‘பழமையான நினைவுச்சின்னங்கள் மற்றும் தொல்பொருள் இடங்கள் சட்டம்’ மற்றும் 1959ம் ஆண்டு விதிகளின்படி, இந்திய தொல்லியல் ஆய்வு கழகமே அகழாய்வுக்கு அனுமதி வழங்கும் அதிகாரம் பெற்றது. மாநில தொல்லியல் துறைகள் அல்லது பிற அமைப்புகள் தேவையென கேட்டால், தொழில்நுட்ப ஆலோசனை மற்றும் உதவி அளிக்கப்படுகின்றது” என அந்த அறிக்கையில் கூறப்பட்டுள்ளது.
